ഫിഷനും ഫ്യൂഷനും കേരള രാഷ്ട്രീയവും.

ഊർജ്ജമുൾകൊണ്ട് പ്രവർത്തിക്കുക എന്നത് ഏതൊരൂ ലക്ഷ്യപ്രാപ്തിക്കും അത്യാവശ്യമാണ്. പണ്ടുകാലം തൊട്ട് തന്നെ അത്തരം ആശയങ്ങളിൽ നിന്ന് കൊണ്ട് ലോകം കീഴടക്കിയ വമ്പന്മാരിൽ നിന്നും പ്രചോദനം ഉൾകൊള്ളാത്തവർ ആരുമില്ല.

സമ്പന്നമാക്കുക രാജ്യത്തെ, ശക്തിപെടുത്തുക സൈന്യത്തെ എന്ന മുദ്രാവാകവുമായി വ്യാവസായികവൽകരണവും സൈനികവൽകരണവും കൂടി നടപ്പിലാക്കിയപ്പോൾ ലോകത്ത് ജപാനീസ് സാമ്രാജ്യം ഉയർന്നു വരികയും ഈസ്റ്റ് ഏഷ്യയിലെ അധിപന്മാരായി വാഴുകയും അയൽ രാജ്യങ്ങളെ കീഴടക്കികൊണ്ട് അവിടെങ്ങളിലുള്ള ഊർജ്ജ സമ്പത്ത് ശേഖരിക്കുകയും വ്യാവസായിക, മിലിട്ടറി ആവശ്യങ്ങൾക്ക് ഉപയോഗപ്പെടുത്തുകയും ചെയ്തു.

ഗ്രേറ്റ് ജപാനീസ് എമ്പറർ

1941ൽ പസഫിക് തീരത്ത് പേൾഹാർബറിലെ അമേരിക്കൻ നേവൽ ബേസിനെ അക്രമിച്ചുകൊണ്ട് ഓപറേഷൻ ഇസെഡ് നടപ്പില്ലാക്കുകവഴി യഥാർത്ഥത്തിൽ അമേരിക്കയെ കീഴടക്കുകയായിരുന്നില്ല ലക്ഷ്യമിട്ടത്, മറിച്ച് ഓയിൽ സമ്പന്ന പ്രദേശമായ ഡച്ച് ഈസ്റ്റ് ഇൻഡീസിനെ(ഇന്തോനേഷ്യ) ലക്ഷ്യമാക്കി നീങ്ങിയ അമേരിക്കൻ മുന്നേറ്റത്തെ തടയുകയായിരുന്നു ജപ്പാൻ. കാരണം അമേരിക്ക ഫിലിപൈൻസ് പിടിച്ചടക്കി അവിടെ മിലിട്ടറി ബേസിനു തുടക്കമിടുകയും ഈസ്റ്റ് ഏഷ്യയിലെ എനർജി റിസോർസിൽ കണ്ണുവെച്ച് കരുക്കൾ നീക്കി തുടങ്ങിയിരുന്നു. അതേ താല്പര്യമുണ്ടായിരുന്ന ജപ്പാൻ പേൾഹാർബറ് അക്രമിക്കുക വഴി അമേരിക്കയെ തടുത്തുനിർത്താനുള്ള വഴികളാണ് നോക്കിയത്. എന്നാൽ തിരിച്ചടി എന്ന നിലയിലാണ് ലോക ജനതയെ നടുക്കികൊണ്ട് അദ്യമായി ആറ്റമിക് ബോംബ് ഉപയോഗിച്ചു ജപ്പാനെ തളച്ചിട്ടപ്പോൾ അത് ലോകം ദർശിച്ച ഏറ്റവും വലിയ ക്രൂരതയായി എഴുതപെട്ടു.

1945 ജൂലൈ 16ന് ഒരു മതവിശ്വാസത്തിന്റെ അടിസ്ഥാന ചിഹ്നമായ ‘ട്രിനിറ്റി‘യെ ഉപയോഗപെടുത്തി മിലിട്ടറി പരീക്ഷണങ്ങൾക്കായി ഡെഡികേറ്റ് ചെയ്തിട്ടുള്ള ന്യൂ മെക്സികോയിൽ ആദ്യമായി പരീക്ഷിച്ചതെങ്കിൽ രണ്ടും മൂന്നും പരീക്ഷണങ്ങൾ ജപ്പാനീസ് സമൂഹത്തിന്റെ നെറുംതലയിലാണ് പരീക്ഷിച്ചത്. ആഗസ്റ്റ് 6 ന് 'ലിറ്റിൽ ബോയി'യെ ഹിരോഷിമയിലും 'ഫാറ്റ് മാനെ' നാഗസാക്കിയിലും പരീക്ഷിക്കുക വഴി രണ്ടര ലക്ഷത്തിനടുത്ത് ആളുകളെ ചാരമാക്കുകയും നല്ലൊരൂ ശതമാനം ജനറേഷൻ താറുമാറാക്കുകയും ചെയ്തു. ജപ്പാനികളുടെ കൂടെ അവർ അടിമകളായി കൊണ്ടുവന്ന കാൽ ലക്ഷത്തോളം കൊറിയക്കാരും ഹിരോഷിമയിലും നാഗസാക്കിയിലുമായി വെന്തമർന്നു. 

അതേ സമയം തന്നെ സോവിയറ്റ് യൂണിയൻ മറുഭാഗത്ത് ജപ്പാന്റെ കീഴിലുള്ള കിഴക്കൻ ഏഷ്യയെ അക്രമിച്ചത് ജപ്പാന് കൂണിന്മേൽ വലിയ കുരുവായിമാറി. പേൾഹാർബർ അക്രമിക്കുന്നതിന് മുമ്പ് തന്നെ ജപ്പാൻ പ്രധാനമന്ത്രിയായിരുന്ന Hideki Tojo ന്യൂക്ളിയർ യുദ്ധം ലക്ഷ്യമിട്ട് ജപ്പാന്റെ ന്യൂക്ളിയർ പരീക്ഷണങ്ങൾക്ക് ശക്തിപകർന്നിരുന്നു. റഷ്യ ജപ്പാന്റെ ന്യൂക്ളിയർ സൈറ്റുകൾ പിടിച്ചടക്കുന്നത് വരെ അവർ ലക്ഷ്യം കണ്ടിരുന്നില്ല. അല്ലായിരുന്നു എങ്കിൽ ഹിരോഷിമക്കും നാഗസാക്കിക്കും പകരം വീട്ടി ലോകത്തെ ന്യൂക്ളിയർ ദുരന്തങ്ങൾകൊണ്ട് കുഴിച്ചുമൂടിയേനെ..

 ഹിരോഷിമയിൽ ലിറ്റിൽ ബോയ് വീഴുന്നതിന് മുമ്പ്

ലിറ്റിൽ ബോയ് വീണതിനു ശേഷം

 

ലിറ്റിൽ ബോയിയുടെ വികിരണങ്ങൾ ശരീര ഭാഗങ്ങൾ കടിച്ചെടുത്തപ്പോൾ

 

മനുഷ്യ കുരുതിയിൽ അഹ്ലാദരായി.. 

ജപ്പാൻ കീഴടങ്ങുകയും രാജ്യത്തിന് പുതിയ നിയമാവലിയുണ്ടാക്കുകയും ലോകത്തിന് മാതൃകയാകത്തക്ക രീതിയിൽ ഫിനിക്സ് പക്ഷിയായി പറന്നുയരുന്നതുമാണ് പിന്നീട് ലോകം  കണ്ടത്. ഒരു ജനതയുടെ മാനസ്സികമായ ഉയർത്തെഴുന്നേൽ‌പ്പാണ് പിന്നീട് മേഡ് ഇൻ ജപ്പാനിലൂടെ  നാം അനുഭവിച്ചുകൊണ്ടിരിക്കുന്നത്.

ജപ്പാൻ ലോകത്ത് വളരെ ചെറിയ രാജ്യമാണെങ്കിലും ഈ അടുത്ത കാലത്ത് ചൈന പിന്തള്ളുന്നത് വരെ സാമ്പത്തികമായി രണ്ടാം സ്ഥാനത്തായിരുന്നു. ലോകത്തിലെ സമ്പത്തിന്റെ പകുതി കൈവശം വെച്ചിരിക്കുന്ന, പ്രകൃതിയിലെ എല്ലാവിധ വിഭവങ്ങളുമുള്ള അമേരിക്കൻ അധിപന് തൊട്ട് താഴെ നിൽക്കാൻ ജപ്പാന് കഴിഞ്ഞിരുന്നത് അവരുടെ മാനസ്സിക ശക്തിയും അചഞ്ചലമായ പ്രയത്നങ്ങൾ കൊണ്ടും തന്നെയാണ്. പ്രകൃതി ദുരന്തങ്ങൾ പലരീതിയിൽ പിടികൂടിയിട്ടും അതിനെയെല്ലാം തരണം ചെയ്തു മുന്നേറിയ ചരിത്രമാണവർക്കുള്ളതെങ്കിലും ഇക്കഴിഞ്ഞ  സുനാമിയിൽ കുടുങ്ങി വലിയരീതിയിൽ നാശങ്ങളുണ്ടാവുകയും രാജ്യത്തെ എനർജി റിസോർസുകളിൽ പ്രധാനമായ  ന്യൂക്ളിയർ പ്ലാന്റുകളിലെ എക്സ്പ്ലോഷനുകളും ഇന്ന് ആ രാഷ്ട്രം നേരിടുന്ന പ്രധാന വെല്ലുവിളിയായി  മാറിയിരിക്കുന്നു. എങ്കിലും ചരിത്രപരമായി അവർക്കുള്ള വീര്യം വീണ്ടെടുത്ത് ഈ പ്രകൃതി ദുരന്തത്തിൽ നിന്നും അവർ ഉടനെ തന്നെ കരകയറും എന്ന് പ്രത്യാശിക്കാം.

ആറ്റൊമിക് എത്ര ആപൽകരമാണെന്ന് അനുഭവത്തിലൂടെ പഠിച്ചിട്ടും അവ ജീവിതത്തിൽ നിന്നും ഒഴിവാക്കി നിർത്താൻ ജപ്പാന് സാധിക്കില്ല എന്നത്  എനർജിയും ആ രാജ്യത്തിന്റെ പുരോഗതിയുമായി ബന്ധപെട്ട് കിടക്കുന്ന വസ്തുതയാണ്.

***

തെർമൽ പ്ലാന്റുകൾക്ക് പകരം നമ്മൾ ജല സംഭരണികളാണ് ഉപയോഗപെടുത്തുന്നത്. അതിനാൽ തന്നെ മഴയെ ആശ്രയിച്ചിരിക്കുന്നു നമ്മുടെ നാട്ടിലെ ഊർജ്ജ വിതരണം. ആറ്റൊമിക് സിസ്റ്റം നമുക്കറിയാഞ്ഞിട്ടല്ല, സ്ഥല സൌകര്യങ്ങളാണ് പ്രശ്നം. രാഷ്ട്ര വികസനത്തിന്റെ കാര്യത്തിലതങ്ങ് നടപ്പിലാക്കാൻ കഴിഞ്ഞില്ലെങ്കിലും രാഷ്ട്രീയ തന്ത്രങ്ങളിൽ ഫിഷനും ഫ്യൂഷനും വിജയകരമായി നടപ്പിലാക്കികൊണ്ടിരിക്കുന്നു. 

മനസ്സിലായില്ല അല്ലെ? എനർജി ലഭിക്കാൻ ആറ്റങ്ങളിൽ രണ്ടു തരത്തിലുള്ള പ്രോസസിങ്ങ് നടത്തുന്നു. 

------------------------------------------------------------- 

 

ഫിഷൻ

---------------------------------------------------------------------------- 

ഫ്യൂഷൻ
------------------------------------------------------------------------------- 

ആറ്റങ്ങളെ വിഭജിക്കുമ്പോൾ അതിൽ നിന്നും എനർജി റിലീസ് ചെയ്യപെടും. അതിനെ ഫിഷൻ എന്ന് വിളിക്കുന്നു. മറ്റൊന്ന് ഫ്യൂഷൻ, അതിൽ ആറ്റങ്ങൾ തമ്മിൽ യോജിപിച്ച് ഭാരം കൂടിയ ഒരൊറ്റ ന്യൂക്ളിയസാകുമ്പോഴും കുറേ എനർജി റിലീസാവും. ഇങ്ങിനെയുള്ള എനർജ്ജി ഉപയോഗപെടുത്തിയാണ് പലരും മുന്നേറ്റങ്ങൾ നടത്തുന്നത്. ഫിഷനേക്കാളും എനർജ്ജി കൂടുതൽ കിട്ടുക ഫ്യൂഷൻ പ്രൊസസിനാണ് പക്ഷെ, അതത്ര എളുപ്പമല്ല എങ്കിലും അധികാര കേന്ദ്രീകരണത്തിന് ഏതറ്റവും വരെ പോകാൻ തയ്യാറായാൽ സാധ്യമാകുന്നതേ ഉള്ളൂ എന്നതാണ് കഴിഞ്ഞ കേരളാ രാഷ്ട്രീയ ചരിത്രം.

ഫിഷൻ ബോംബുകൾക്ക് ശേഷം അമേരിക്ക ഫ്യൂഷൻ ബേസഡ് ബോംബ് (ഹൈഡ്രജൻ ബോംബ്) പരീക്ഷിച്ചപ്പോൾ  അതിനെ തരണം ചെയ്യാൻ റഷ്യയും ഫ്യൂഷൻ പരീക്ഷണം നടത്തി. അതിൽ നിന്നും പാഠമുൾകൊണ്ട് തന്നെയാണ് നമ്മളും മുന്നേറികൊണ്ടിരിക്കുന്നത് എന്നതിനാൽ തന്നെ കേരള കോൺഗ്രസുകാർ ചേർന്നൊരുക്കിയ ഫ്യൂഷൻ പവറ് തരണം ചെയ്യാൻ മുസ്ലിം ലീഗ്, ഇന്നല്ലെങ്കിൽ നാളെ ലീഗ് എന്നുപറഞ്ഞു മാറ്റി നിർത്തിയ ഐ.എൻ.എല്ലിനെ ചേർത്തുപിടിച്ചത്. ഈ രണ്ട് ഫ്യൂഷനുകളും പുറന്തള്ളുന്ന ശക്തി വലുതാവുമെന്നതിനാൽ അതിനെ തടയിടാൻ തരത്തിൽ ഒരു ഫ്യൂഷനുള്ള മെറ്റീരിയൽ ഇല്ലാത്തതിനാലും ചില ഫിഷനുകൾ വഴി എനർജ്ജി സ്വരൂപിച്ച് ശക്തി തെളിയിക്കാനാണ് ഇടതുപക്ഷം ശ്രമിക്കുന്നത്. അതിൽ പെട്ട ആദ്യത്തെ ഫിഷനായിരുന്നു ജമാഅത്തെ ഇസ്ലാമിയേയും പിഡി.പി.യേയും പുറത്താക്കിയത്. എന്നീട്ടും ആത്മ വിശ്വസംകിട്ടാത്തത് കൊണ്ടാണ് അച്ചുമാമൻ എന്ന ഭാരംകൂടിയ ആറ്റകനിയെ പൊട്ടിച്ചു ശക്തിയുണ്ടാക്കാൻ ശ്രമിച്ചത്. പക്ഷെ അതിൽ നിന്നും കുറേ മുദ്രാവാക്യ എനർജ്ജി റിലീസായെങ്കിലും വേണ്ടവിധത്തിൽ ഉപയോഗപെടുത്താൻ മാധ്യമങ്ങൾ വഴി കഴിഞ്ഞില്ല, കാരണം ഇതൊരൂ ചൈൻ റിയാക്ഷനാണല്ലൊ, കണ്ട്രോൾ കിട്ടാതെകണ്ണന്താനത്തെ പോലെ പല ചെയിൻ റിയാക്ഷനുകളും സംഭവിച്ചു, കനവും ചോരത്തിളപ്പും കൂടിയ സിന്ധുജോയി

മറ്റൊരൂ ചൈൻ റിയാക്ഷൻ വഴി വിട്ടുപോയി വലത് പക്ഷത്തേ വ്യത്യസ്ഥ ദ്രുവത്തിലുള്ള മറ്റൊരൂ ന്യൂക്ളിയസിന്റെ ഭാഗമാവുകയും അവിടെ ചെറിയ തോതിൽ ഫ്യൂഷൻ സൃഷ്ടിക്കപെടുകയും ഉണ്ടായിട്ടുണ്ട്. 

മൊത്തത്തിൽ ഇടത് പക്ഷത്ത് ഫിഷനും വലത് പക്ഷത്ത് ഫ്യൂഷനുമാണ് സംഭവിച്ചിരിക്കുന്നത് എന്നതിനാൽ ശരിയാം വണ്ണം എനർജ്ജി ഉപയോഗപെടുത്തുമെങ്കിൽ സയൻസ് പ്രകാരം ഫ്യൂഷനാണ് കൂടുതൽ ശക്തിയോടെ മുന്നേറാൻ കഴിയുക… 

കാത്തിരുന്നു കാണാം :)